கோலாலம்பூர்: மஇகாவின் சொத்துகளாக விளங்கும் டேப் கல்லூரி, கேபிஜே கூட்டுறவுக் கழகம், சமூக வியூக அறவாரியம், மாஜு கல்வி மேம்பாட்டுக் கழகம், சமூக மறுவாழ்வு அறவாரியம், கோப்பராசி டிடேக் கல்வி கூடுறவுக் கழகம், நேசா பல்நோக்கு கூட்டுறவுக் கழகம் ஆகியவை மீண்டும் மஇகாவிடமே ஒப்படைக்க வேண்டும் என்ற பரிந்துரையை பினாங்கு மாநில மஇகா கருத்துரைத்துள்ளது.
கடந்த காலங்களில் இவை அனைத்தும் இந்திய மக்களின் கல்வி, பொருளாதாரம் மற்றும் சமூக நல மேம்பாட்டிற்காக உருவாக்கப்பட்டதாகும் என மாநில பேராளர் கூட்டத்தில் தெரிவிக்கப்பட்டுள்ளது.
தற்போது, தனித்தனியே இவை அனைத்தும் இயங்குவதை விடுத்து, மஇகா தலைமையகத்தின் கீழ் ஒன்றாக இயங்குவது சிறப்பானதாக இருக்கும் எனக் கூறப்பப்டுகிறது. இதன் மூலமாக தவறான செயல்கள் மற்றும் மோசடிகளை தவிர்க்கலாம் எனவும் அக்கூட்டத்தில் குறிப்பிடப்பட்டுள்ளது.
அண்மையில் மஇகாவின் புதிய தலைவராக பதவியேற்ற டான்ஶ்ரீ எஸ்.ஏ.விக்னேஸ்வரன், மஇகாவின் சொத்துகள் அனைத்தும் மீண்டும் மீட்கப்படும் எனத் தெரிவித்திருந்தார்.
