கோலாலம்பூர்: கோலாலம்பூர் மற்றும் ஜோகூர், பேராக்கில் சில பகுதிகளிலும் திரெங்கானுவில் உள்ள பல மாவட்டங்கள் முழுவதும் நடமாட்டக் கட்டுப்பாட்டு ஆணையை செயல்படுத்த அரசாங்கம் ஒப்புக் கொண்டுள்ளது.
இது மே 7 முதல் மே 20 வரை நடைமுறையில் இருக்கும் என்று தற்காப்பு அமைச்சர் இஸ்மாயில் சப்ரி யாகோப் தெரிவித்தார்.
“ஏப்ரல் 1 முதல் ஏப்ரல் 27 வரை, கோலாலம்பூர் முழுவதும் மொத்தம் 17 புதிய தொற்றுக் குழுக்கள் பதிவு செய்யப்பட்டுள்ளன என்பதை சுகாதார அமைச்சு உறுதிப்படுத்தியது. தினசரி சம்பவங்கள் அதிகரித்து வருகின்றன,” என்று அவர் தெரிவித்தார்.
இந்த முறை நடமாட்டக் கட்டுப்பாட்டு ஆணை, முன்பு அறிவிக்கப்பட்ட நிர்ணயிக்கப்பட்ட நிர்வாக நடைமுறைகளுக்கு ஏற்ப இருக்கும் என்று இஸ்மாயில் கூறினார்.
