சென்னை, ஜூன் 19- விவேக் கதாநாயகனாக நடித்த படம் ‘பாலக்காட்டு மாதவன்’. இப்படத்திற்கு ஸ்ரீகாந்த தேவா இசை அமைக்கிறார்.
இந்தப் படத்தில் விவேக் ஒரு பாடலாசிரியராகவும் அறிமுகமாகிறார். “உச்சி மேல உச்சி மேல ஏறப் போறேன்; லட்சத்துல கோடியில நீந்தப் போறேன் ” என்ற பாடலை விவேக் எழுதியுள்ளார்.
இந்தப் பாடலை அனிருத் பாடியிருப்பது இதன் சிறப்பாகும். முன்னணிக் கதாநாயகர்களின் படத்திற்கு இசையமைக்கும் அளவிற்குப் பரபரப்பாக இயங்கி வரும் அனிருத், பிற இசை அமைப்பாளர்களின் இசையில் பாடவும் தொடங்கியுள்ளார்.
‘ஐ’ படத்தின் ‘மெர்சலாயிட்டேன்’ பாட்டு அவரை இளம் வயதினர் மத்தியில் பெரிய பாடகராகவும் பிரபலமாக்கிவிட்டது. அதைத் தொடர்ந்து அவர் நட்புக்காகப் பிறரது இசையிலும் பாடி வருகிறார். இது ஓர் ஆரோக்கியமான செயல் என்று திரையுலகினர் அவரைப் பாராட்டியுள்ளனர்.
