புதுடில்லி, ஆகஸ்ட் 11- டென்னிஸ் விளையாட்டில் பல சாதனைகள் புரிந்த இந்திய வீராங்கனை சானியா மிர்சாவுக்கு விளையாட்டுத் துறையின் உயரிய விருதான ராஜீவ் காந்தி கேல் ரத்னா விருது அளிக்க, மத்திய விளையாட்டுத்துறை அமைச்சகம் பரிந்துரை செய்துள்ளது.
சார்னியா மிர்சா 2014-ஆம் ஆண்டு, ஆசிய விளையாட்டுப் போட்டியில் பிரார்த்தனா தாம்பேருடன் இணைந்து பெண்கள் இரட்டையர் டென்னிசில் வெண்கலப் பதக்கமும், கலப்பு இரட்டையரில் தங்கமும் வென்றார்.
அதேபோல் ப்ருனோ சோரசுடன் இணைந்து அமெரிக்க ஓபன் டென்னிசில் கலப்பு இரட்டையர் பட்டத்தையும் வென்றார்.
அண்மையில் நடந்த விம்பிள்டன் டென்னிசில் மகளிர் இரட்டையர் பட்டத்தையும் சானியா மிர்சா வென்றார்.
2004-ஆம் ஆண்டு அர்ஜுனா விருதையும், 2006-ஆம் பத்ம ஸ்ரீ விருதையும் பெற்ற சானியா மிர்சாவுக்கு ராஜீவ் காந்தி கேல் ரத்னா விருதும் கிடைப்பது தங்கக் கிரீடத்தில் வைரத்தைப் பதிப்பது போல் சிறப்புக்குச் சிறப்பு சேர்ப்பதாகும்.
