புதுடில்லி – டில்லி முதல்வர் அரவிந்த் கெஜ்ரிவாலை, நடிகர் கமல்ஹாசன் திடீரெனச் சந்தித்துப் பேசியிருக்கிறார்.
தூய்மை இந்தியா தூதுவர்களில் ஒருவரான கமல்ஹாசன், குடியரசுத் தலைவர் பிரணாப் முகர்ஜியைக் குடியசுத் தலைவர் மாளிகையில் சந்தித்துக் கலந்துரையாடினார்.
அதன்பின்பு, டில்லி முதல்வர் கெஜ்ரிவாலைச் சந்தித்தார்.
இச்சந்திப்பில் இருவரும் தூய்மை இந்தியா திட்டத்தில் தங்களது பங்களிப்பு குறித்து விவாதித்ததாகக் கூறப்படுகிறது.
மேலும் தமிழகத்தி்ன் அரசியல் சூழ்நிலை குறித்து இருவரும் விவாதித்ததாகவும், அப்போது கெஜ்ரிவால் ‘தமிழகத்தில் ஆம் ஆத்மி கட்சிக்குச் சரியான தலைமை இல்லை; ஆம் ஆத்மி கட்சியின் மாநில தலைவராக நீங்கள் பொறுப்பேற்க வேண்டும்” என்று கமல்ஹாசனிடம் கேட்டுக் கொண்டதாகவும் தகவல் வெளியாகி உள்ளது.
கமல்ஹாசன் இதற்கெல்லாம் சம்மதிக்கக் கூடிய ஆளா என்ன?
