கோலாலம்பூர் – தேசிய உதவித் தலைவர் பதவிக்குப் போட்டியிடவில்லை என துணை கல்வி அமைச்சர் பி.கமலநாதன் இன்று அறிவித்துள்ளதைத் தொடர்ந்து, நாளை சுந்தர் டான்ஸ்ரீ சுப்ரமணியம் (படம்) தனது நிலைப்பாடு குறித்து அறிவிப்பார் என எதிர்பார்க்கப்படுகின்றது.
கமலநாதன் போட்டியிலிருந்து ஒதுங்கிக் கொண்டதைத் தொடர்ந்து – டத்தோஸ்ரீ எஸ்.கே.தேவமணியும் தேசியத் துணைத் தலைவருக்குப் போட்டியிடுவதாக நாளை அறிவிப்பார் என எதிர்பார்க்கப்படும் வேளையில் –
சுந்தர் அநேகமாக தேசிய உதவித் தலைவர் போட்டியில் குதிக்கக் கூடும் என அவருக்கு நெருக்கமான வட்டாரங்கள் தெரிவித்துள்ளன.
தேசிய உதவித் தலைவருக்குப் போட்டியிடும் தனது முடிவை சுந்தர் நாளை அறிவிப்பார் என்றும் மஇகா வட்டாரங்கள் தெரிவிக்கின்றன.
தேசிய துணைத் தலைவருக்கு டத்தோ எம்.சரவணனை எதிர்த்துப் போட்டியிடும் முடிவையும் தேவமணி நாளை ஈப்போவில் அறிவிப்பார் என எதிர்பார்க்கப்படுகின்றது.
