யாங்கூன் – மியன்மார் நாட்டின் போராட்டவாதி ஆங் சான் சூ கீ நேற்று அந்நாட்டின் வெளியுறவு அமைச்சராக நியமிக்கப்பட்டார். அவரது நீண்ட நாளைய தோழர் ஹித்தின் கியாவ் மியன்மார் அதிபராகப் பதவியேற்றுள்ளார்.
மியன்மார் நாட்டின் அதிபர் ஹித்தின் கியாவ் – வெளியுறவு அமைச்சர் ஆங் சான் சூ கீ நேற்று அரசாங்கத் தலைநகர் நேப்பிடோவில் உள்ள நாடாளுமன்றத்தில் நடைபெற்ற பதவிப் பிரமாணத்தின்போது …
கடந்த 50 ஆண்டுகளில் முதன் முறையாக பொதுமக்களின் ஜனநாயகத் தேர்தலின் மூலம் தேர்ந்தெடுக்கப்பட்ட அரசாங்கம் நேற்று மியன்மாரில் பதவியேற்றது.
வெளியுறவு அமைச்சுப் பொறுப்போடு, சூ கீ, கல்வி அமைச்சுக்கும், அதிபர் அலுவலகத்திற்கான அமைச்சுக்கும், மின்சார, சக்தி இலாகாக்களுக்கும் கூடுதல் பொறுப்பை வகிப்பார்.
