சென்னை – தமிழக சட்டமன்றத் தேர்தல் நடைபெற இடையில் இன்னும் ஒரே ஒரு நாள் இருக்கும் நிலையில் பாட்டாளி மக்கள் கட்சியின் கோபி செட்டிப்பாளையம் சட்டமன்ற வேட்பாளர் குப்புசாமி, அதிமுக பிரமுகர் செங்கோட்டையன் முன்னிலையில் அதிமுகவில் தன்னை இணைத்துக் கொண்டுள்ளார்.
நேற்றுதான் பாமகவின் நாங்குநேரி சட்டமன்றத் தொகுதியின் வேட்பாளர் திருப்பதி, பாமகவில் இருந்து விலகி அதிமுகவில் சேர்ந்திருந்தார். அவரைத் தொடர்ந்து இன்றும் ஒரு பாமக வேட்பாளர் அதிமுகவில் இணைந்துள்ளது பாமகவிற்கு ஏற்பட்டிருக்கும் பெரும் பின்னடைவாகப் பார்க்கப்படுகின்றது.
“அன்புமணியாகிய நான்…” என தன்னையே முதலமைச்சராகப் பிரகடனப்படுத்திக் கொண்டு, பிரச்சாரம் செய்துவரும் அன்புமணிக்கும் தனிப்பட்ட முறையில் இது ஒரு பின்னடைவாகப் பார்க்கப்படுகின்றது.
