புதுடெல்லி – உத்தர பிரதேச முன்னாள் முதல்வரும், பகுஜன் சமாஜ் கட்சித் தலைவருமான மாயாவதியை, விலைமாதுவை விட மோசமானவர் என வர்ணித்து, சர்ச்சையில் சிக்கியுள்ளார் அதே மாநிலத்தைச் சேர்ந்த பாஜக, துணை தலைவர் தயாசங்கர் சிங்.
“கட்சி சீட்டை விலைக்கு விற்கிறார்(மாயாவதி) . காலையில் ஒருவர் 1 கோடி ரூபாய் கொடுத்தால் அவருக்குக் கொடுப்பார். சில மணி நேரங்கள் கழித்து ஒருவர் 2 கோடி ரூபாய் கொடுத்தால் அவருக்குக் கொடுத்துவிடுவார். அதையே மாலையில் ஒருவர் 3 கோடி ரூபாய் கொடுத்தால் அவருக்குக் கொடுத்துவிடுவார்.” என்று செய்தியாளர்களுக்கு அளித்த பேட்டி ஒன்றில் தயாசங்கர் தெரிவித்துள்ளார்.
மேலும், மாயாவதி செய்வதெல்லாம் விலைமாதுவின் செயலைப் போல் உள்ளதாக ஒப்பிட்டுப் பேசியுள்ளார் தயாசங்கர்.
இந்நிலையில், தனது சர்ச்சைப் பேச்சிற்கு அவர் மன்னிப்புக் கோரியுள்ளதாகத் தற்போது தகவல்கள் வெளிவந்துள்ளன.
