ரியோ டி ஜெனிரோ – அமெரிக்காவின் நீச்சல் வீரர் மைக்கல் பெல்ப்ஸ் நேற்று செவ்வாய்க்கிழமை ஒரே நாளில் அதிரடியாக 2 போட்டிகளில் தங்கம் வென்றுள்ளார். இதனைத் தொடர்ந்து ஒலிம்பிக்சில் அவர் பெற்றுள்ள தங்கப் பதக்கங்களின் எண்ணிக்கை 21 ஆக உயர்ந்துள்ளது.
நேற்று, 200 மீட்டர் தூரத்துக்கான பிரி ஸ்டைல் நீச்சல் பிரிவில் தனிநபர் போட்டியில் தங்கம் வென்ற அவர், அதனைத் தொடர்ந்து 4 X 200 பிரி ஸ்டைல் தொடர் நீச்சல் போட்டியிலும் தங்கம் வென்றார். அந்தத் தொடர் நீச்சல் போட்டியில் அமெரிக்கக் குழு தங்கம் பெற, அந்தக் குழுவின் வெற்றிக்கு ஒருவராக பெல்ப்ஸ் செயல்பட்டார்.
ஏற்கனவே, ரியோ ஒலிம்பிக்சில் தங்கம் வென்றுள்ள பெல்ப்ஸ், இனி அடுத்தடுத்து நிறைய போட்டிகளில் கலந்து கொள்ளவிருப்பதால், தங்க வேட்டையைத் தொடர்வார் என எதிர்பார்க்கப்படுகின்றது.
