கோலாலம்பூர் – கடந்த ஏப்ரல் மாதம் மொரீசியசில் இருந்து கண்டுபிடிக்கப்பட்ட விமானப் பாகம், மாயமான மலேசிய விமானம் எம்எச்370-ன் பாகம் தான் என்பது உறுதியாகியுள்ளதாக மலேசியப் போக்குவரத்துறை அமைச்சர் டத்தோஸ்ரீ லியாவ் தியாங் லாய் அறிவித்துள்ளார்.
“மொரீசியசில் கண்டெடுக்கப்பட்ட விமானப் பாகம் ஆஸ்திரேலியப் போக்குவரத்து பாதுகாப்பு பிரிவைச் சேர்ந்த நிபுணர்களால் ஆய்வு செய்து முடிக்கப்பட்டது. அப்பாகத்தில் காணப்பட்ட எண் எம்எச்370 விமானத்தைச் சேர்ந்தது தான் என்பது உறுதியாகிவிட்டதாக நிபுணர்கள் தெரிவித்துள்ளனர்” என்று லியாவ் இன்று வெள்ளிக்கிழமை தெரிவித்துள்ளார்.
