சென்னை – தமிழக அரசின் தலைமைச் செயலாளர் ராம மோகன ராவ் வீட்டில் நேற்று புதன்கிழமை வருமான வரித்துறை அதிகாரிகள் திடீர் சோதனை நடத்தினர்.
அதோடு, ராம மோகன ராவின் மகன் விவேக், அவரது நண்பர்கள், உறவினர்கள் உட்பட 10-க்கும் மேற்பட்டவர்களின் வீட்டிலும் சோதனை நடத்தினர்.
இந்நிலையில், விவேக்கின் சுமார் 100 கோடி ரூபாய் மதிப்புள்ள ஆடம்பர பங்களாவில், 10 கிலோ தங்கத்தை அதிகாரிகள் கைப்பற்றியுள்ளனர்.
அதனை வாங்கியதற்கான ஆதாரங்களை அதிகாரிகளிடம் விவேக் வழங்கியுள்ளார் என்றும், அதன் உண்மைத் தன்மை குறித்து ஆய்வு செய்து வருவதாகவும் வருமான வரித்துறை தெரிவித்துள்ளது.
Comments
