சென்னை – இரண்டாவது நாளாக இன்று வெள்ளிக்கிழமை தனது சென்னைப் பயணத்தைத் தொடர்ந்த பிரதமர் நஜிப் துன் ரசாக், சென்னையில் நடிகர் ரஜினிகாந்தைச் சந்தித்தது, தமிழகத்தில் மிகப் பிரபலமான செய்தியாகி விட்டது.
அனைத்து இந்தியத் தொலைக்காட்சிகளும் நஜிப்-ரஜினி சந்திப்புக்கு முக்கியத்துவம் கொடுத்து செய்திகளை ஒளிபரப்பின.
அதிலும் மலேசியா போன்ற ஒரு முக்கிய அயல் நாட்டின் பிரதமர், நேரடியாக ரஜினியின் இல்லத்திற்கே சென்று அவரைச் சந்தித்ததால், அனைத்து இந்திய ஊடகங்களின் கவனமும் இந்த சந்திப்பை நோக்கித் திரும்பின.
ரஜினியைச் சந்தித்த பின்னர் அவருடன் எடுத்துக் கொண்ட புகைப்படத்தை நஜிப் தன் டுவிட்டர் பக்கத்தில் பதிவு செய்ய, உடனடியாக அந்தப் புகைப்படம் ஆயிரக்கணக்கில் பல மலேசியர்களால் பகிர்ந்து கொள்ளப்பட்டது.
நஜிப் – ரஜினி சந்திப்பு படக் காட்சிகள்:-
நஜிப்புக்கு பூங்கொத்து கொடுத்து வரவேற்று, பொன்னாடை அணிவித்த ரஜினி – பின்னணியில் இருக்கும் புகைப்படம் ரஜினியின் ஆன்மீகக் குழு பாபாஜி
ரஜினியின் மனைவி லதா ரஜினிகாந்த், மகள் ஐஸ்வர்யா தனுஷ் ஆகியோருடன் நஜிப்…
ரஜினியோடு ஒரு தம்படம் எடுக்க முற்படும் நஜிப்…
நஜிப் ரஜினியோடு எடுத்துக் கொண்ட தம்படம் (செல்பி)
-செல்லியல் தொகுப்பு
