கெய்ரோ – இன்று ஞாயிற்றுக்கிழமை எகிப்து நாட்டிலுள்ள இரண்டு கிறிஸ்துவ தேவாலயங்கள் மீது நடத்தப்பட்ட தாக்குதலில், இதுவரை 45 பேர் வரை கொல்லப்பட்டிருக்கின்றனர்.
இஸ்லாமியத் தீவிரவாத இயக்கமான ஐஎஸ்ஐஎஸ் இந்தத் தாக்குதல்களுக்கு பொறுப்பேற்றுக் கொண்டதாக அறிவித்திருக்கிறது.
119 பேர் வரை இந்தத் தாக்குதல்களால் காயமடைந்திருக்கின்றனர்.
முதல் தாக்குதல் உள்நாட்டு நேரப்படி காலை 9.30 மணிக்கு நடத்தப்பட்டது. பின்னர் சில மணி நேரங்கள் கழித்து இரண்டாவது தாக்குதல் நடத்தப்பட்டது. இரண்டும் தற்கொலைப் படையினரால் நடத்தப்பட்ட வெடிகுண்டுத் தாக்குதல்களாகும்.
