சிங்கப்பூர் – கடந்த வாரம் சிங்கப்பூர் கடற்பகுதியில், எண்ணெய் கப்பலுடன் மோதிய அமெரிக்கப் போர்க்கப்பலான யுஎஸ்எஸ் ஜோன் எஸ். மெக்கெயில் இருந்த 10 கடற்படை வீரர்களின் சடலங்களும் மீட்கப்பட்டுவிட்டதாக அமெரிக்கக் கடற்படை இன்று திங்கட்கிழமை அறிவித்திருக்கிறது.
கடந்த ஆகஸ்ட் 21-ம் தேதி, நடந்த இந்த விபத்தின் போது, அதிலிருந்த 10 வீரர்களும் கடலில் மூழ்கி மாயமாகினர்.
அதனையடுத்து, முக்குளிப்போரை வைத்து நடத்தப்பட்ட தேடுதல் பணியில், மாயமான 10 வீரர்களும் கடலில் மூழ்கி இறந்தது தெரியவந்தது.
இந்நிலையில், அந்த 10 வீரர்களின் சடலங்களையும் முக்குளிப்போர் மீட்டனர் என்பது குறிப்பிடத்தக்கது.
