கோலாலம்பூர் – ‘பொன்மனச் செம்மல்’ – ‘புரட்சித் தலைவர்’ டாக்டர் எம்ஜிஆர் நூற்றாண்டு விழாவையொட்டி, அவரின் அரிய புகைப்படங்கள் மற்றும் தகவல்கள் பொதுமக்களின் பார்வைக்கு வைக்கப்பட்டிருக்கிறது.
இக்கண்காட்சி நேற்று திங்கட்கிழமை மாலை மலேசியாவுக்கான இந்தியத் தூதர் திருமூர்த்தி, தேசிய நிலநிதி கூட்டுறவுச் சங்கத்தின் நிர்வாக இயக்குநர் டத்தோ பா.சகாதேவன், டத்தின்ஸ்ரீ உத்தாமா டாக்டர் இந்திராணி சாமிவேலு, தமிழகத்தைச் சேர்ந்த பாபுஜி சுவாமி, மலாயா பல்கலைக்கழகத் துணைபதிவதிகாரி புண்ணியமூர்த்தி ஆகியோரால் அதிகாரப்பூர்வமாகத் தொடங்கி வைக்கப்பட்டது.
இக்கண்காட்சி வரும் செப்டம்பர் 8-ம் தேதி வரை, விஸ்மா துன் சம்பந்தனில் மாலை மணி 5.00 முதல் இரவு மணி 9.00 வரை திறக்கப்பட்டிருக்கும்.
மலேசிய இந்திய சமுதாய மேம்பாட்டு இயக்கத்தின் (MICAS) தலைவர் எஸ்.பி.மணிவாசகம் தலைமையிலான தொண்டார்வளர் குழு,இதனை ஏற்பாடு செய்திருக்கிறது.
இக்கண்காட்சியில் இடம்பெற்றிருக்கும் எம்ஜிஆரின் சிறப்புப் புகைப்படங்களில் சிலவற்றை இங்கே காணலாம்.
