Home வணிகம்/தொழில் நுட்பம் செல்லியல் செயலி : ஐ.ஓ.எசுக்கான புத்தம் புதிய பதிகை!

செல்லியல் செயலி : ஐ.ஓ.எசுக்கான புத்தம் புதிய பதிகை!

1120
0
SHARE
Ad

Selliyal-App-Storesதமிழ், ஆங்கிலம் என இருமொழிகளிலும் செல்பேசி செயலி மற்றும் இணையம் என இரு தளங்களிலும் இயங்கிக் கொண்டிருக்கும் மலேசியாவின் முதல் இணைய ஊடகமான ‘செல்லியல்’ வெற்றிகரமாக தற்போது 5-வது ஆண்டில் அடியெடுத்து வைத்திருக்கிறது.

இந்நிலையில் 5 ஆண்டுகளுக்கு முன்பாக ஆப்பிள் நிறுவனத்தின் ஐபோன் செயலியாக அறிமுகம் கண்ட செல்லியலின் இயங்குதளம் கடந்த ஆண்டுகளில் பல்வேறு உள்ளடக்க உருமாற்றங்களை அடைந்திருக்கிறது. பல புதிய, நவீன தொழில் நுட்ப அம்சங்களோடு, செயலிகள் தற்போது மெருகேற்றப்பட்டிருக்கின்றன.

Selliyal Logo 440 x 215செல்லியலிலும் இந்தப் புதிய நவீனத் தொழில் நுட்ப மேம்பாடுகளை இணைத்து நமது வாசகர்களுக்கு பயனளிக்கும் வகையில் வழங்க, செல்லியல் தொழில் நுட்ப ஆலோசகரும், வடிவமைப்பாளருமான முத்து நெடுமாறன் தலைமையில் செல்லியலின் இயங்குதளம் தற்போது முற்றிலுமாக மாற்றி வடிவமைக்கப்பட்டுள்ளது.

#TamilSchoolmychoice

ஆப்பிள் நிறுவனத்தின் சுவிப்ட் (swift) எனப்படும் புதிய, மொழி வடிவமைப்புக்கான இயங்குதள தொழில்நுட்பம், செல்லியல் புதிய பதிகையை முற்றிலுமாக மாற்றி அமைக்கப் பயன்படுத்தப்பட்டிருக்கிறது.

ஐபோன்களில் மற்ற செயலிகள் எவ்வாறு வடிவமைக்கப்பட்டிருக்கிறதோ, மற்ற பயனர்கள் எத்தகைய பயனீட்டு அனுபவங்களைப் பெறுகின்றார்களோ, அவ்வாறே செல்லியல் பயனர்களும் அனுபவங்களைப் பெறும் வண்ணம் செல்லியல் தற்போது புதிதாக வடிவமைக்கப்பட்டிருக்கிறது.

உதாரணமாக, செல்லியல் செல்பேசி செயலியில் அடங்கியிருக்கும் அத்தனை உள்ளடக்கச் செய்திகளையும், செயலியின் முதல் பக்கத்திலேயே பயனர்கள் தற்போது பார்த்து, படித்து விட முடியும்.

விளம்பரம் இல்லாத வடிவத்திலும் செல்லியல் படிக்கலாம்

selliyal-retinaசெல்லியல் செயலியில் இடையிடையே விளம்பரங்களும் இடம் பெறுகின்றன. ஐபோன் பயனர்கள் பலர் விளம்பர இடையூறுகள் இல்லாமல் செல்லியலைப் படிக்க விரும்புகிறோம் என எங்களிடம் தெரிவித்து வந்திருப்பதைக் கவனத்தில் கொண்டு, விளம்பரங்களை மறைத்துவிட்டு, முழுக்க, முழுக்க செல்லியல் செய்திகளை மட்டும் படிக்கும் அனுபவத்தையும் புதிய பதிகையில் நாங்கள் வழங்கியிருக்கிறோம்.

ஆனால் இந்த வசதிக்காக ஆண்டு ஒன்றுக்கு நீங்கள் சிறிய அளவிலான கட்டணம் ஒன்றைச் செலுத்த வேண்டும். தற்போது இதற்காக நிர்ணயிக்கப்பட்டிருப்பது ஆண்டுக்கு வெறும் ரிங்கிட் 12.90 மட்டுமே! அதாவது மாதம் ஒன்றுக்கு சராசரியாக ஏறத்தாழ ஒரே ஒரு ரிங்கிட் மட்டும்தான்! இந்தத் தொகையைச் செலுத்துவதன் மூலம் ஆண்டு முழுவதும் ஐபோன் பயனர்கள் விளம்பர இடையூறுகள் இன்றி செல்லியல் செய்திகளைப் படித்து மகிழலாம்!

iphone_5s_செல்லியலின் தொழில் நுட்ப அடிப்படையில், அதனைப் பயன்படுத்தி இந்த வட்டாரத்தில் பல இணைய ஊடகங்கள் செயல்பட்டு வருகின்றன. அந்த செயலிகள் யாவும் இதைப்போலவே தற்போது மேம்படுத்தப்பட்டுள்ளன.

செல்லியல் செயலியை ஏற்கனவே தங்களின் ஐபோன்களில் பதிவிறக்கம் செய்திருப்பவர்களுக்கு புதிய பதிகையும் அதற்குரிய மாற்றங்களும் நேரடியாக, இயல்பாகவே அவர்களின் செயல்களில் பதிவிறக்கம் செய்யப்பட்டு விடும்.

புதிதாகத் தங்களின் ஐபோன்களில் பதிவிறக்கம் செய்ய விரும்புபவர்கள் கீழ்க்காணும் இணைப்பின் மூலம் பதிவிறக்கம் செய்து கொள்ளலாம்:

https://selliyal.com/app