Home இந்தியா குஜராத்-இமாசலப் பிரதேசம் மாநிலங்களில் பாஜகவே வெல்லும்!

குஜராத்-இமாசலப் பிரதேசம் மாநிலங்களில் பாஜகவே வெல்லும்!

306
0
SHARE

BJP-ultra-new-+-bigபுதுடில்லி – இந்திய அரசியலில் மிகவும் எதிர்பார்க்கப்படும் குஜராத் மாநிலத் தேர்தல்களுக்கான வாக்களிப்பு நிறைவடைந்திருக்கும் நிலையில் இந்தியாவின் முன்னணி தொலைக்காட்சி ஊடகங்களால் வெளியிடப்பட்டிருக்கும் கருத்துக் கணிப்புகள் பாஜகவுக்கு சாதகமாக இருக்கின்றன.

குஜராத்தில் மொத்தம் உள்ள 182 இடங்களில் சுமார் 120 சட்டமன்றத் தொகுதிகள் வரை பாஜக வெல்லும் என்பதுதான் அனைத்து இந்தியத் தொலைக்காட்சி ஊடகங்களின் கருத்துக் கணிப்புகளின் முடிவுகளாக இருக்கிறது.

காங்கிரஸ் கட்சி சுமார் 75 தொகுதிகள் வரை வெல்லக் கூடும் என்றும் இந்தக் கருத்துக் கணிப்புகள் தெரிவிக்கின்றன.

அதே வேளையில் சட்டமன்றத் தேர்தல்கள் நடைபெறும் மற்றொரு மாநிலமான இமாசலப் பிரதேசத்திலும் பாஜக வென்று ஆட்சி அமைக்கும் என்றும் இந்தியத் தொலைக்காட்சி ஊடகங்களின் கருத்துக் கணிப்புகள் தெரிவிக்கின்றன.

இந்த இரண்டு மாநிலங்களிலும் பாஜக மீண்டும் வென்றால், அது நரேந்திர மோடி-அமித் ஷா இணைந்த பாஜகவின் தலைமைத்துவத்திற்கு கிடைத்திருக்கும் மற்றொரு மகுடமாகப் பார்க்கப்படும்.

Comments