கோலாலம்பூர் – கெராக்கான் கட்சியின் கூட்டரசுப் பிரதேச இளைஞர் பிரிவின் இடைக்காலத் தலைவர் ஆங் சியாங் லியாங், 14-வது பொதுத்தேர்தலில், கெப்போங் தொகுதியில் போட்டியிடுவார் என அக்கட்சியின் தலைவர் மா சியூ கியாங் இன்று வியாழக்கிழமை அறிவித்தார்.
கடந்த 13-வது தேர்தலில், தனது பாரம்பரிய தொகுதியான கெப்போங்கை மைபிபிபி கட்சிக்கு விட்டுக் கொடுத்தது கெராக்கான்.
ஆனால், வரும் மே 9-ம் தேதி நடைபெறவிருக்கும் 14-வது பொதுத்தேர்தலில், மீண்டும் கெப்போங் தொகுதியை கெராக்கான் தேர்ந்தெடுத்திருக்கிறது.
13-வது பொதுத்தேர்தலில், ஜசெக வேட்பாளர் டான் செங் கியாவை எதிர்த்து, மைபிபிபி கட்சி வேட்பாளர் சந்திரகுமணன் ஆறுமுகம் போட்டியிட்டு7,530 வாக்குகள் பெற்று தோல்வியுற்றார்.
47,837 வாக்குகள் பெற்ற டான் செங் கியாவ், 40,307 வாக்குகள் வித்தியாசத்தில் வெற்றி பெற்றார் என்பது குறிப்பிடத்தக்கது.
