மாட்ரிட் – ஸ்பெயின் நாட்டின் புதிய பிரதமராக பெட்ரோ சாஞ்சிஸ் வெள்ளிக்கிழமை (1 ஜூன்) தேர்ந்தெடுக்கப்பட்டார்.
அவர் அந்நாட்டின் 7-வது பிரதமராவார்.
சோஷலிஸ்ட் கட்சியைச் சேர்ந்த அவர் 84 தொகுதிகளை மட்டுமே கொண்டிருந்தாலும் மற்ற கட்சிகளின் ஆதரவுடன் 350 இடங்களைக் கொண்ட ஸ்பெயின் நாடாளுமன்றத்தில் பெரும்பான்மை பெற்று ஆட்சி அமைக்கிறார்.
இதுவரையில் பிரதமராக இருந்த மரியானோ ரஜோய் ஊழல் குற்றச்சாட்டுகளை எதிர்நோக்கியதைத் தொடர்ந்து நாடாளுமன்றத்தில் நம்பிக்கை வாக்கெடுப்பு கொண்டு வரப்பட்டு, அந்த வாக்கெடுப்பில் அவர் தோல்வியடைந்தார்.
அவருக்குப் பதிலாக 46 வயதான பெட்ரோ சாஞ்சிஸ் தேர்ந்தெடுக்கப்பட்டுள்ளார்.
