ஜோகூர்பாரு – ஜோரான மாநிலம் என எப்போதும் புகழ்ந்துரைக்கப்படும் மாநிலம் ஜோகூர். நாட்டின் பணக்கார மாநிலங்களில் ஒன்று. அதே வேளையில் அம்மாநிலத்தின் அசுரத்தனமான மேம்பாடுகள் – வளர்ச்சிகள் – நடந்து முடிந்த பொதுத் தேர்தலில் சர்ச்சைகளாகவும், பிரச்சாரங்களின் மையப் புள்ளிகளாகவும் திகழ்ந்தன என்பதையும் மறுக்கமுடியாது.
அதன் காரணமாகவே, தேசிய முன்னணியின் வலுவான ஆதிக்கத்தின் கீழ் கடந்த 60 ஆண்டுகளாக இருந்து வந்த – அம்னோவின் பிறப்பிடம் – தேசிய முன்னணியின் அசைக்க முடியாத கோட்டை – என்றெல்லாம் வர்ணிக்கப்பட்ட ஜோகூர் மாநிலமும் இந்த முறை 14-வது பொதுத் தேர்தலில் எழுந்த அரசியல் சுனாமியால் வீழ்ந்தது.
ஜோகூர் மாநிலத்தில் அமைந்த நம்பிக்கைக் கூட்டணி அரசாங்கத்தின் புதிய ஆட்சிக் குழுவில் இடம் பெற்றிருப்பவர் ஜசெகவில் தீவிரமாகச் செயல்பட்டு வரும் சமூகப் போராட்டவாதி டாக்டர் எஸ்.இராமகிருஷ்ணன்.
அண்மையில் செல்லியல் ஊடகத்திற்கு வழங்கிய நேர்காணலில் தான் கடந்து வந்த அரசியல் பாதை, சிலாங்கூர் மாநிலத்தை அரசியல் களமாகக் கொண்டு தீவிரமாக இயங்கி வந்த நிலையில் ஜோகூர் மாநிலத்திற்கு இடம் மாறியது – 2013-இல் லாபிஸ் நாடாளுமன்றத்தில் போட்டியிட்டது – நடந்து முடிந்த 14-வது பொதுத் தேர்தலில் பெக்கோக் சட்டமன்றத்தில் போட்டியிட்டு ஆட்சிக் குழு உறுப்பினரானது வரை பல விவகாரங்கள் குறித்து விரிவாகப் பேசினார் இராமகிருஷ்ணன்.
அவரது நேர்காணலின் காணொளி (வீடியோ) வடிவத்தைக் கீழ்க்காணும் இணைப்பில் காணலாம்:
அடுத்து:
– சிலாங்கூர் மாநிலத்தில் இருந்து ஜோகூர் மாநிலத்திற்கு அரசியல் களத்தை மாற்றி வந்தது ஏன்?
– ஜோகூரில் இந்தியர்கள் எதிர்நோக்கும் பிரச்சனைகளுக்குத் தீர்வு காண எடுக்கப்பட்டு வரும் முயற்சிகள் என்ன?
– ஆட்சிக் குழு உறுப்பினராக அனுபவங்கள்…சவால்கள்….
தொடர்ந்து நேர்காணலில் விவரிக்கிறார் இராமகிருஷ்ணன்
