கோத்தா கினபாலு – பிரபல தொலைக்காட்சி நிகழ்ச்சி தொகுப்பாளரும், மேடை அறிவிப்பாளருமான மகாட்சிர் லொக்மான் (படம்) இன்று வெள்ளிக்கிழமை சபா, கோத்தா கினபாலுவில் காலமானார். அவருக்கு வயது 61.
அவர் தங்கியிருந்த விடுதியில் காலை 9.30 மணியளவில் உடல் நலக் குறைவினால் அவர் மரணமடைந்தார் என்றும், அவரது மரணத்தில் குற்றவியல் எதுவும் இல்லை என்றாலும் தாங்கள் விசாரணையை மேற்கொண்டிருப்பதாக சபா காவல் துறையினர் தெரிவித்தனர்.
தனது பணி காரணமாக அவர் சபா வந்திருந்தார். இன்று பிற்பகல் 2.00 மணியளவில் சபா முதலமைச்சர் டத்தோஸ்ரீ முகமட் ஷாபி அப்டாலும் அவரது மனைவியும் குயின் எலிசபெத் 1 மருத்துவமனைக்கு வந்து மகாட்சிருக்கு இறுதி மரியாதை செலுத்தினர்.
