கோலாலம்பூர் – கடந்த சில மாதங்களாக வெளிநாட்டில் இருந்த சபா மாநிலத்தின் முன்னாள் முதல்வர் டான்ஸ்ரீ மூசா அமான் தற்போது நாடு திரும்பியிருப்பதாகவும் இங்குள்ள மருத்துவமனை ஒன்றில் அவர் கண்காணிக்கப்பட்டும் சிகிச்சை வழங்கப்பட்டும் வருவதாக அவரது ஊடகச் செயலாளர் அவாங் பைசால் தெரிவித்துள்ளார்.சபா மாநிலத்தில் உள்ள சுங்கை சிபுகா சட்டமன்றத் தொகுதியின் உறுப்பினருமான மூசா அமான் பொதுத் தேர்தலைத் தொடர்ந்து சபா மாநிலத்தில் யார் முதலமைச்சர் என்பதில் ஏற்பட்ட போராட்டத்தில் கடந்த மே 17-ஆம் தேதி நாட்டை விட்டே வெளியேறினார். அவர் இலண்டன் சென்று அங்கு தங்கியிருந்ததாகக் கூறப்பட்டது.
இந்நிலையில்தான் அவர் தற்போது நாடு திரும்பியுள்ளார்.அவர்மீது செய்யப்பட்ட புகார்கள் தொடர்பிலும் அவர் காவல் துறையினரால் தேடப்படுகிறார்.
