Home உலகம் இலங்கை: மன்னார் மனிதப் புதைகுழியின் காலம் கண்டுபிடிப்பு!

இலங்கை: மன்னார் மனிதப் புதைகுழியின் காலம் கண்டுபிடிப்பு!

747
0
SHARE
Ad

புளோரிடா: அமெரிக்காவின் பீட்டா ஆய்வுக் கூடம் (Beta Analytic Radiocarbon Dating Laboratory) நடத்திய ஆய்வொன்றில், இலங்கையிலுள்ள மன்னார் மனிதப் புதைக்குழி ஐரோப்பிய ஆதிக்க காலத்திற்கு சொந்தமானது எனக் கணிக்கப்பட்டுள்ளது. இந்த மனித எச்சங்கள் கி.பி 1477 – 1642-ஆம் ஆண்டுக்கும் இடைப்பட்டக் காலத்திற்கு உரியது என அந்த அறிக்கையில் குறிப்பிடப்பட்டுள்ளது.

மனிதப் புதைக்குழியிலிருந்து கண்டெடுக்கப்பட்ட ஆறு மனித எச்சங்களின் மாதிரிகள், அமெரிக்காவிலுள்ள ஆய்வு கூடத்திடம் கடந்த ஜனவரி மாதம் 25-ஆம் தேதி பரிசோதனைகளுக்காக அனுப்பப்பட்டிருந்தன.

இதுவரையிலும், மன்னார்- சதொசா கட்டிடப் பகுதியிலிருந்து, சுமார் 342 மனித எச்சங்கள் கண்டெடுக்கப்பட்டுள்ளன. அவற்றில் 29 மனித எச்சங்கள் சிறுவர்களுடையது எனக் குறிப்பிடப்பட்டுள்ளது.

#TamilSchoolmychoice

சரியான தரவுகளைப் பெறுவதற்கு மேலும் பல விஞ்ஞான ரீதியிலான விடயங்கள் அமெரிக்கா ஆய்வு மையம் வெளியிட்ட அறிக்கையில் குறிப்பிடப்பட்டுள்ளதாகவும், அவற்றை துள்ளியமாக ஆராய வேண்டியுள்ளதாகவும் இலங்கை ஆய்வு மையம் குறிப்பிட்டுள்ளது.