கிரிஸ்ட்சர்ச் – கடந்த வெள்ளிக்கிழமை (மார்ச் 15) நியூசிலாந்து கிரிஸ்ட்சர்ச்சில் நடந்த துப்பாக்கிச் சூடு சம்பவத்தில் காணாமல் போனதாக கூறப்பட்ட மலேசிய இளைஞர், முகமட் ஹசிக் முகமட் தார்மிசி அந்தத் தாக்குதலில் மரணமடைந்தார் என்ற செய்தியை இன்று வியாழக்கிழமை, விஸ்மா புத்ரா உறுதிபடுத்தியது
அதனைத் தொடர்ந்து 17 வயதான முகமட் ஹசிக் இன்று கிரிஸ்ட்சர்ச்சிலேயே புரோம்லி மெமோரியல் பார்க் என்ற மயானத்தில் நல்லடக்கம் செய்யப்பட்டார். அவரது நல்லடக்கச் சடங்குகள் நியூசிலாந்து நேரப்படி மாலை 4.00 மணியளவில் (மலேசிய நேரம் வியாழக்கிழமை காலை 11.00 மணி) நடந்து முடிந்தன.
இந்த வன்முறைத் தாக்குதலில் 50 பேர் கொல்லப்பட்டனர்.
மேலும், மூன்று மலேசியர்களான முகமட் ஹசிக்கின் தகப்பனார் முகமட் தார்மிசி, ராகிமி அகமட் மற்றும் முகமட் நஸ்ரில் ஹிஷாம் ஓமார் ஆகியோர் இந்த சம்பவத்தில் காயம் அடைந்தனர்.
முகமட் ஹசிக்கின் இறுதி சடங்கிற்காக அரசாங்கம் எல்லா விதமான உதவிகளையும் செய்திருந்தது.
