பெங்களூரு: வருகிற 2022-ஆம் ஆண்டில் மனிதனை விண்ணுக்கு அனுப்பும் சுகன்யான் திட்டத்தை இந்தியாவின் இஸ்ரோ திட்டமிட்டுள்ளது. இதற்காக வீரர்களை தேர்வு செய்வது, அவர்களுக்கு பயிற்சி வழங்குவது உள்ளிட்ட விவகாரங்களை ரஷ்யாவுடன் இணைந்து இந்தியா செயல்பட உள்ளதாகத் தெரிவித்துள்ளது.
இதற்கு ஒப்புதல் அளித்த இந்திய மத்திய அரசு அதற்காக 9,023 கோடி ரூபாயை கடந்த ஆண்டு ஒதுக்கியது. 2022-ஆம் ஆண்டில் இந்த திட்டம் நிறைவேற்றி முடிக்கப்பட்டு விடும் என தெரிகிறது.
முதன் முறையாக மனிதர்களை விண்ணுக்கு அனுப்பும் திட்டத்தை இந்தியா கையில் எடுத்துள்ளதால், அதற்கு விண்வெளித்துறையில் வளர்ந்த நாடான ரஷ்யாவின் உதவி தேவைப்படுகிறது. இதையடுத்து ரஷ்ய நிறுவனமான க்ளாகோமோஸ் உடன் இஸ்ரோ ஒப்பந்தம் மேற்கொண்டுள்ளது.
