கோலாலம்பூர்: பூனை ஒன்று சலவை இயந்திரத்தில் வைக்கப்பட்டு கொல்லப்பட்ட சம்பவத்தில், 41 வயதான கே.கணேஷ் எனும் ஆடவருக்கு 34 மாதங்கள் சிறைத்தண்டனையும் 40,000 ரிங்கிட் அபதாரமும் விதிக்கப்பட்டுள்ளது.
இன்று செவ்வாய்க்கிழமை அமர்வு நீதிமன்ற நீதிபதி ராசிஹா கசாலி அவருக்கு எதிரான தீர்ப்பை வாசித்தார்.
எந்தவொரு நியாயமான சந்தேகத்திற்கும் அப்பாற்பட்டு குற்றம் சாட்டப்பட்டவர்களுக்கு எதிரான வழக்கை அரசு தரப்பு வெற்றிகரமாக நிரூபித்துள்ளது என்று நீதிபதி ரசிஹா கூறினார். தனது தீர்ப்பில், தண்டனையை கணேஷ் தான் பூனையை சலவை இயந்திரத்தில் வைத்தார் என்ற உண்மையை கணக்கில் எடுத்துக்கொண்டதாக அவர் கூறினார்.
“இந்த தண்டனையானது குற்றம் சாட்டப்பட்டவர்களுக்கும் சமூகத்திற்கும், விலங்குகள் கொடுமைப்படுத்தக்கூடாது என்பதற்கு ஒரு பாடமாக இருக்க வேண்டும்,” என்று அவர் கூறினார்.
கணேஷ் மற்றும் மேலும் இரண்டு, நபர்களான வாடகை கார் ஓட்டுனர் ஏ. மோகன்ராஜ், 42, மற்றும் எஸ்.எஸ்.சத்தியா ஆகியோர், கடந்த ஆண்டு செப்டம்பர் 11-ஆம் தேதியன்று அதிகாலை 12.54 மணி முதல் அதிகாலை 1 மணி வரை பத்து மலையில் உள்ள தாமான் கோம்பாக் ரியாவில் உள்ள ஒரு சலவை நிலையத்தில் இந்த குற்றத்தினை செய்ததாக் கூறப்படுகிறது.
மூவரும் விலங்கு நலச் சட்டம் 2015-இன் கீழ் குற்றம் சாட்டப்பட்டனர்.
