Home One Line P2 டெஸ்கோ மலேசிய, தாய்லாந்து சொத்துகளை விற்கிறது

டெஸ்கோ மலேசிய, தாய்லாந்து சொத்துகளை விற்கிறது

370
0
SHARE

கோலாலம்பூர் – மலேசியாவின் பல்வேறு நகர்களில் இயங்கிவரும் பேரங்காடியான பிரிட்டனின் டெஸ்கோ நிறுவனம் மலேசியாவிலும், தாய்லாந்திலும் உள்ள தங்களின் பேரங்காடி சொத்துகளையும் வணிகத்தையும் விற்பனை செய்ய முன்வந்திருக்கிறது.

இந்த சொத்துகளின் மொத்த மதிப்பு 9 பில்லியன் அமெரிக்க டாலராக மதிப்பிடப்பட்டிருக்கிறது.

டெஸ்கோ, பிரிட்டனின் மிகப் பெரிய தொடர் பேரங்காடி நிறுவனமாகும்.

டெஸ்கோ தங்களின் நிறுவனத்தின் வணிக வியூகத்தை மறு ஆய்வு செய்யும் வண்ணம் இந்த முடிவைப் பரிசீலித்து வருவதாக இன்று ஞாயிற்றுக்கிழமை வெளியிடப்பட்ட அறிக்கை ஒன்றில் வழி தெரிவிக்கப்பட்டிருக்கிறது.

டெஸ்கோ தாய்லாந்தில் 1998-ஆம் ஆண்டில் தொடங்கியது. அங்கு அதற்கு 1967 அங்காடிக் கடைகள் இருக்கின்றன. மலேசியாவில் 2002-இல் தொடங்கிய டெஸ்கோவுக்கு 74 அங்காடிக் கடைகள் இருக்கின்றன.

டெஸ்கோவின் தாய்லாந்து வணிகம் மட்டும் 7 பில்லியன் டாலர் இருக்கும் என மதிப்பிடப்படுகிறது. காரணம், அங்கு சொந்த நில சொத்துடமைகளைக் கொண்டிருக்கும் காரணத்தால், டெஸ்கோ வணிகத்தின் மதிப்பு அதிகரித்திருக்கும் என எதிர்பார்க்கப்படுகிறது.

Comments