புத்ராஜெயா: கொவிட்-19 நோய்தொற்று அதிகமாக புத்ராஜெயா, ரெம்பாவ் மற்றும் ஜாசின் ஆகிய பகுதிகளில் பதிவுச் செய்யப்பட்டதால், இப்பகுதிகள் சிவப்பு மண்டலமாக வகைப்படுத்தப்பட்டுள்ளதாக சுகாதார அமைச்சு தெரிவித்துள்ளது.
இந்த மூன்று பகுதிகளும் நாட்டில் சிவப்பு மண்டலங்களாக வகைப்படுத்தப்பட்ட 19, 20 மற்றும் 21- வது பகுதிகளாகும்.
நேற்று திங்கட்கிழமை மதியம் 12 மணி நிலவரப்படி, புத்ராஜெயாவில் 41 சம்பவங்களும், மலக்கா ஜாசின் 42 சம்பவங்களும், நெகிரி செம்பிலான் ரெம்பாவில் 41 சம்பவங்களும் பதிவாகின.
“ஏப்ரல் 6 மதியம் 12 மணி நிலவரப்படி சமீபத்திய புள்ளிவிவரங்களின் அடிப்படையில் சிவப்பு மண்டலம் பகுதிகள் 21- ஆக அதிகரித்துள்ளது.”
“சிவப்பு மண்டலத்தின் புதிய பகுதிகள் புத்ராஜெயா, ஜாசின் மற்றும் ரெம்பாவ்.”
“வீட்டில் இருந்தது, உங்கள் தனிப்பட்ட ஆரோக்கியத்தை மேம்படுத்துங்கள்” என்று தேசிய பாதுகாப்பு மன்றம் (எம்கேஎன்) டுவிட்டர் பக்கத்தில் வெளியிட்ட அறிக்கையில் தெரிவித்துள்ளது.
