ஷா அலாம்: சிலாங்கூர் மாநிலத்தின் ஆறு சிவப்பு மண்டல பகுதிகளில் சிலாங்கூர் அரசு நடத்திய கொவிட்-19 பரிசோதனையில் 10 நேர்மறையான சம்பவங்களில், எட்டு அறிகுறிகளற்ற சம்பவங்களைக் கண்டறிந்துள்ளதாகத் தெரிவித்துள்ளது.
ஏப்ரல் 11 முதல் 23 வரை நடத்தப்பட்ட இலக்கில், மாநிலத்தில் உள்ள கொவிட் -19 சங்கிலியை உடைக்கும் பொருட்டு 5,433 மாதிரிகள் பரிசோதிக்கப்பட்டன என்று சிலாங்கூர் மந்திரி பெசார் டத்தோஸ்ரீ அமிருடின் ஷாரி தெரிவித்தார்.
கொவிட்-19 பாதிப்புக்கு உட்பட்ட எட்டு நேர்மறையான சம்பவங்களைப் பற்றி அவர் கூறுகையில், அவற்றில் நான்கு உலு லங்காட்டில் கண்டறியப்பட்டுள்ளன என்றார். பெட்டாலிங், கிள்ளான், கோம்பாக் மற்றும் ஷா அலாம் ஆகிய இடங்களில் தலா ஒன்று கண்டறியப்பட்டுள்ளது என்றும் அவர் குறிப்பிட்டார்.
சுகாதார அமைச்சின் பரிந்துரைப்படி, சிலாங்கூர் மாநில மேம்பாட்டுக் கழகம், செல்ப்கேர் கிளினிக், மாவட்ட சுகாதார அலுவலகம் ஆகியவற்றால் ஒருங்கிணைக்கப்பட்ட ஆர்டி- பிசிஆர் (RT-PCR) முறையைப் பயன்படுத்தி பராமரிப்பு மையங்கள் உட்பட வீடு வீடாக சென்று பரிசோதனைகளைச் செய்ததாக அவர் கூறினார்.
“இந்த பரிசோதனைத் தொடர் என்பது கொவிட்-19 பாதிப்பைக் கண்டறிவதில் சுகாதார அமைச்சுக்கு உதவுவதற்கான மாநில அரசின் முயற்சியாகும்.”
“மாநிலத்தின் பொருளாதார மீட்சியில் புதிய இயல்பான இயக்கத்திற்குப் பிந்தைய கட்டுப்பாட்டுக்கு பொதுமக்கள் தயார்நிலையை மேம்படுத்துவதற்காக சிலாங்கூர் கொவிட் -19 சிறப்புக் குழு இந்த பரிசோதனை முயற்சியைத் தொடர்ந்து செயல்படுத்தப்படும்” என்று அவர் ஓர் அறிக்கையில் தெரிவித்துள்ளார்.
சமுதாயத் திரையிடல் சோதனைக்கு உட்பட்டவர்கள் இந்த வெள்ளிக்கிழமை தொடங்கி http://www.selangorprihatin.com வலைத்தளத்தின் மூலம் தங்கள் சொந்த ஆய்வு அறிக்கையை பதிவிறக்கம் செய்யலாம் என்று அமிருடின் கூறினார்.
