கோலாலம்பூர்: முதன் முதலாக சிலாங்கூரில் கோலா லங்காட் கொவிட்19 பாதிப்பிலிருந்து மீண்டு பச்சை மண்டலமாக அறிவிக்கப்பட்டுள்ளது.
இன்று வெள்ளிக்கிழமை சுகாதார அமைச்சின் முகநூல் பக்கத்தில் பதிவிடப்பட்ட விளக்கப்படம் தெரிவித்துள்ளது.
இப்பகுதியில் முன்பாக நான்கு சம்பவங்கள் பதிவு செய்யப்பட்டிருந்தன.
தற்போது, நாடு முழுவதும் 111 மாவட்டங்கள் பச்சை மண்டலமாக அறிவிக்கப்பட்டுள்ளன. இப்பகுதிகளில் எந்தவொரு கொவிட்19 சம்பவங்களும் பதிவு செய்யப்படவில்லை.
பேராக், பினாங்கு, பெர்லிஸ், கெடா மற்றும் கிளந்தான் ஆகியவை பச்சை மண்டல மாநிலங்களாக வகைப்படுத்தப்பட்டுள்ளன.
40- க்கும் மேற்பட்ட சம்பவங்களை பதிவு செய்த மாவட்டங்கள் சிவப்பு மண்டலமாக அறிவிக்கப்படும்.
பெட்டாலிங், உலு லங்காட், கோம்பாக், பத்து, ஈபு கோத்தா, கம்போங் பாரு, ஸ்ரீ பெட்டாலிங் , குலுவாங், கூச்சிங் மற்றும் சாமாராஹான் ஆகிய பகுதிகள் சிவப்பு மண்டலங்களாக வகைப்படுத்தப்பட்டுள்ளன.
