ஜோர்ஜ் டவுன்: அரசாங்கத்தின் நிபந்தனை நடமாட்டக் கட்டுப்பாட்டு ஒழுங்கை, அதன் சொந்த தழுவலுக்கு ஏற்ப பினாங்கு மாநிலம் மீண்டும் ஒரு சில வணிகங்களை திறக்க அனுமதித்துள்ளது.
மளிகைக் கடைகள் மற்றும் பேராங்கடிகள் உட்பட கிட்டத்தட்ட அனைத்து சில்லறை விற்பனை நிலையங்களும் நேற்றைய திட்டத்தின் கீழ் மீண்டும் திறக்க அனுமதிக்கப்பட்டன.
கடந்த ஞாயிற்றுக்கிழமை, முதலமைச்சர் சோவ் கோன் யோவ், பினாங்கு, பல மாநிலங்களைப் போலவே, மே 4 முதல் மத்திய அரசு அறிவித்த நிபந்தனைக்குட்பட்ட நடமாட்டக் கட்டுப்பாட்டு ஆணையை செயல்படுத்தப்போவதில்லை என்று அறிவித்திருந்தார்.
அதற்கு பதிலாக, பினாங்கு அதை மூன்று கட்டங்களாகச் செய்யும் என்று அவர் குறிப்பிட்டிருந்தார்.
பினாங்கு பாலத்தின் போக்குவரத்து நேற்று பெருமளவில் அதிகரித்தது, ஆயிரக்கணக்கான வாகனங்கள் பாலத்தைப் பயன்படுத்துவது தெரிய வந்தது.
பினாங்கில் மீண்டும் திறக்க அனுமதிக்கப்படாத வணிகங்கள் பெரும்பாலும் மத்திய அரசு வகுத்த விதிகளுக்கு சமமானவை.
திரையரங்குகள், பூங்காக்கள், அருங்காட்சியகங்கள் மற்றும் சுற்றுலா தலங்கள் போன்ற பொழுதுபோக்கு மையங்களும் இதில் அடங்கும்.
