Home One Line P1 கொவிட்19: திரெங்கானு பச்சை மண்டலமாக அறிவிப்பு

கொவிட்19: திரெங்கானு பச்சை மண்டலமாக அறிவிப்பு

157
0
SHARE

கோலா திரெங்கானு: திரெங்கானுவில் தற்போது கொவிட்19 இல்லாதது மற்றும் தொற்று நோய் பாதிப்பிலிருந்து விடுபட்டு பச்சை மண்டலத்தின் நிலையை அடைந்துள்ளது என்று மாநில சுகாதார இயக்குநர் டாக்டர் நோர் அஸிமி யூனுஸ் தெரிவித்தார்.

தற்போதைய முன்னேற்றங்களைத் தொடர்ந்து வருவதாகவும், திரெங்கானுவில் கடைசி கொவிட்19 நேர்மறை நோயாளி புதன்கிழமை மருத்துவமனையில் இருந்து வெளியேற்றப்பட்டதாகவும் அவர் கூறினார்.

கெமாமானைச் சேர்ந்த 35 வயதான நோயாளி மே 20- ஆம் தேதி குவாந்தானில் உள்ள தெங்கு அம்புவான் அப்சான் மருத்துவமனையில், கொவிட்19 தொற்றுக்கு ஆளாகி இருப்பது கண்டறியப்பட்ட பின்னர் மருத்துவமையில் அனுமதிக்கப்பட்டார்.

“எங்களிடம் கொவிட்19- இன் சம்பவங்கள் எதுவும் இல்லை. திரெங்கானு மக்கள் சுகாதார அமைச்சினால் பரிந்துரைக்கப்பட்டபடி, தொடர்ந்து கைகளை கழுவுதல், முகக்கவசம் அணிந்து, கூடல் இடைவெளியை பராமரிப்பதன் மூலம் சுகாதாரத்தை தொடர்ந்து கடைப்பிடிக்கிறார்கள் என்று நம்புகிறேன்.

“வணிகத் துறை போன்ற அன்றாட நடவடிக்கைகளுக்கு, வாடிக்கையாளர் விவரங்களை எடுத்துக்கொள்வது, உடல் வெப்பநிலையை சரிபார்ப்பது மற்றும் அவற்றின் வளாகத்தில் கிருமி தடுப்புப் பொருளை வழங்குவது போன்ற அமைச்சகம் நிர்ணயித்த நிர்வாக முறைமையை தொடர வேண்டும். ” என்று பெர்னாமாவை இன்று தொடர்பு கொண்டபோது அவர் கூறினார்.

Comments