புத்ராஜெயா: எந்தவொரு மத, சமூக மற்றும் அதிகாரபூர்வ செயல்பாடுகளுக்கும் அதிகபட்சமாக பங்கேற்பாளர்கள் அல்லது பார்வையாளர்கள் எண்ணிக்கை ஜூலை 15 முதல் நிகழ்ச்சி இடத்தின் அளவு மற்றும் கூடல் இடைவெளி இணக்கம் ஆகியவற்றைப் பொறுத்தது என்று தற்காப்பு அமைச்சர் டத்தோஸ்ரீ இஸ்மாயில் சப்ரி யாகோப் தெரிவித்தார்.
இந்த நிகழ்ச்சிகளில் 250 பேர் கொண்ட வரம்பை மறுபரிசீலனை செய்ய நடமாட்டக் கட்டுப்பாட்டு ஆணையை அமல்படுத்துவதற்கான சிறப்பு அமைச்சரவைக் கூட்டம் ஒப்புக் கொண்டதை அடுத்து இந்த முடிவு எடுக்கப்பட்டுள்ளது என்று அவர் கூறினார்.
“இதுவரை, நாங்கள் திருமண வரவேற்புகளுக்கான விருந்தினர்களின் எண்ணிக்கையை 250 பேருக்கு மட்டுப்படுத்தியுள்ளோம். அதே நேரத்தில் மசூதிகள் மற்றும் முஸ்லிம் அல்லாத வழிபாட்டுத் தலங்கள் அதன் மூன்றில் ஒரு பகுதியை மட்டுமே வழிபாட்டாளர்களால் நிரப்ப அனுமதிக்க முடியும்.
“எனவே, இனி, விருந்தினர்கள் மற்றும் பங்கேற்பாளர்களின் எண்ணிக்கை நிகழ்ச்சி இடத்தின் அளவு மற்றும் ஒரு மீட்டர் இடைவெளி என்ற நிபந்தனையின் அடிப்படையில் இருக்க நாங்கள் ஒப்புக் கொண்டுள்ளோம்.” என்று அவர் கூறினார்.
உதாரணமாக, ஒரு மண்டபத்தில் 1,000 பேர் இருக்கலாம் என்றால், கூடல் இடைவெளியை அமல்படுத்தி 800 பேருக்கு மட்டுமே இடமளிக்க முடியும் என்று இஸ்மாயில் சப்ரி விளக்கினார்.
