புத்ரா ஜெயா: மலேசியாவில் கடந்த 24 மணி நேரத்தில் 5 புதிய கொவிட்19 பாதிப்புகள் அடையாளம் காணப்பட்டுள்ளன.
இதைத் தொடர்ந்து நாட்டின் மொத்த கொவிட்19 பாதிப்பு எண்ணிக்கை 8,734-ஆக உயர்ந்துள்ளது.
புதிதாக அடையாளம் காணப்பட்ட 5 சம்பவங்களில் ஒருவர் வெளிநாட்டிலிருந்து நாட்டிற்கு திரும்பியவர் ஆவார். உள்நாட்டில் நால்வர் பாதிக்கப்பட்டுள்ளனர். நேற்று, நாட்டில் உள்நாட்டு பாதிப்பு எதுவும் ஏற்படவில்லை.
இதனிடையே, இன்று இருவர் குணமடைந்து வீட்டிற்கு செல்ல அனுமதிக்கப்பட்ட நிலையில் குணமடைந்தோரின் எண்ணிக்கை 8526-ஆக உயர்ந்தது.
நாட்டில் மொத்தம் 86 பேர் மட்டுமே இன்னும் மருத்துவமனைகளில் சிகிச்சைப் பெற்று வருகின்றனர். அவர்களில் 5 பேர் தீவிர சிகிச்சைப் பிரிவில் சிகிச்சைப் பெற்று வருகின்றனர். ஒருவருக்கு சுவாசக் கருவி உதவித் தேவைப்படுகிறது.
