Home One Line P1 பாஸ்: சபாவில் கட்சித் தேர்தல் இயந்திரங்கள் செயல்படத் தொடங்கின

பாஸ்: சபாவில் கட்சித் தேர்தல் இயந்திரங்கள் செயல்படத் தொடங்கின

428
0
SHARE
Ad

கோலாலம்பூர்: சபாவில் நடைபெறவுள்ள மாநிலத் தேர்தலை எதிர்கொள்ள கட்சியின் தேர்தல் இயந்திரம் செயல்படத் தொடங்கி உள்ளதாக பாஸ் தெரிவித்துள்ளது.

மாநிலம் முழுவதும் பாஸ் தேர்தல் இயந்திரங்கள் மாநிலத் தேர்தலை எதிர்கொள்ள தயாராக உள்ளன, என்று சபா பாஸ் தகவல் தொடர்புத் தலைவர் அகமட் துல்லா கூறினார்.

“சபா உட்பட நாட்டின் கொந்தளிப்பான அரசியல் நிலைமையைக் கருத்தில் கொண்டு மார்ச் மாதத்திலிருந்து எங்கள் தேர்தல் இயந்திரங்கள் (பாஸ்) கூட்டப்பட்டு திரட்டப்பட்டன.

#TamilSchoolmychoice

“சபா மாநில சட்டமன்றம் கலைக்கப்பட்டதாக அறிவிக்கப்பட்டபோது, ​​இந்த மாநிலத் தேர்தலில் வெற்றியை நோக்கி செல்ல முழு இயந்திரங்களையும் வழிநடத்த பாஸ் நீண்ட நேரம் காத்திருக்கவில்லை,” என்று அவர் இன்று ஓர் அறிக்கையில் தெரிவித்தார்.

இதற்கிடையில், சபா மாநிலத் தேர்தலில் போட்டியிடும் தொகுதிகளை பாஸ் கட்சி தேர்வு செய்துவிட்டதாக அதன் தலைவர் முகமட் அமினுடின் அலிங் அண்மையில் தெரிவித்திருந்தார்.

“சபா பாஸ் கட்சி சில தொகுதிகளை அடையாளம் கண்டுள்ளது. முடிவு என்ன என்பதை மத்திய தலைமைத்துவம் இதர கூட்டணிகளுடன் பேச வேண்டும்” என்று அவர் கூறியிருந்தார்.

கடந்த பொதுத் தேர்தலில் பாஸ் கட்சி போட்டியிட்ட அனைத்து தொகுதிகளிலும் தோல்வியுற்றது.

பாஸ் கட்சி தமது கூட்டணிக் கட்சிகளுடன் சுமுகமான உறவைக் கொண்டுள்ளதாகவும், கிமானிஸ் தேர்தலில் ஒன்றிணைந்து செயல்பட்டதைப் போல தொடர்ந்து செயல்படும் என்று அவர் தெரிவித்திருந்தார்.