கோலாலம்பூர்: இன்றைய நிலவரப்படி, நாட்டில் 95 புதிய கொவிட்19 சம்பவங்கள் பதிவு செய்யப்பட்டுள்ளன. இதில் 91 உள்ளூர் நோய்த்தொற்றுகள் மற்றும் இறக்குமதி செய்யப்பட்ட 4 சம்பவங்கள் ஆகியவை அடங்கும்.
புதிய சம்பவங்களைத் தொடர்ந்து மொத்த பாதிப்பு 10,147 சம்பவங்களாகப் பதிவு செய்யப்பட்டுள்ளன.
14 பேர் இன்று சிகிச்சை குணமடைந்து மருத்துவமனையில் இருந்து வெளியேறினர்.
இதுவரையில் மொத்தமாக 9,264 பேர் குணமடைந்து வீட்டிற்கு செல்ல அனுமதிக்கப்பட்டுள்ளனர்.
தற்போது 754 பேர் இன்னும் சிகிச்சைப் பெற்று வருகின்றனர். அவர்களில் 11 பேர் தீவிர சிகிச்சை பிரிவில் அனுமதிக்கப்பட்டுள்ளனர். 2 பேருக்கு சுவாசக் கருவி உதவி தேவைப்படுகிறது.
உள்நாட்டில் பீடிக்கப்பட்ட 91 சம்பவங்களில் 90 சம்பவங்கள் சபாவில் பதிவு செய்யப்பட்டுள்ளன. ஒருவர் நெகிரி செம்பிலானில் பாதிக்கப்பட்டுள்ளார். இவர்களில், 23 பேர் வெளிநாட்டினர்.
ஒருவர் இன்று சபாவில் மரணமுற்ற நிலையில், மரண எண்ணிக்கை 129-ஆக உயர்ந்துள்ளது.
