கோலாலம்பூர்: நாட்டில் 71 புதிய கொவிட்19 சம்பவங்களை சுகாதார அமைச்சகம் இன்று உறுதிப்படுத்தியுள்ளது. மொத்தமாக நாட்டில் 10,576 தொற்று சம்பவங்கள் பதிவாகி உள்ளன.
புதிய சம்பவங்களில், 63 சபாவில் கண்டறியப்பட்டன. 10 லாவுட் தொற்றுக் குழுவுடன் சம்பந்தப்பட்டவை. மேலும், 47 பங்காவ்-பங்காவ் தொற்றுக் குழுவுடன் தொடர்புடையவை.
கடந்த 24 மணி நேரத்தில் புதிய இறப்புகள் அல்லது தொற்றுக் குழுக்கள் எதுவும் பதிவு செய்யப்படவில்லை என்று சுகாதார இயக்குநர் டாக்டர் நூர் ஹிஷாம் அப்துல்லா ஓர் அறிக்கையில் தெரிவித்தார்.
இன்று 64 பேர் குணமடைந்துள்ள நிலையில், நாட்டில் கொவிட்19 தொற்றிலிருந்து குணமடைந்தோரின் எண்ணிக்கை 9,666-ஆக உயர்ந்துள்ளது. அறுவர் அவசர சிகிச்சைப் பிரிவில் சிகிச்சைப் பெற்று வரும் நிலையில், இருவருக்கு சுவாசக் கருவி உதவி தேவைப்படுகிறது.
