A big banner related to Covid-19 with heading ‘ANDA KINI DALAM KAWASAN COVID-19′ – JADILAH PEMUTUS BUKAN PENCETUS RANTAIAN COVID’ 19′ was hanged up at a lamppost just out the main entrance (at far right). — G.C.TAN/The Star
கோலாலம்பூர்: நாடு முழுவதும் சிறைக் கைதிகள் மற்றும் அதன் ஊழியர்கள் சம்பந்தப்பட்ட மொத்தம் 1,126 கொவிட்19 சம்பவங்கள் பதிவு செய்யப்பட்டுள்ளன.
சிறைச்சாலைத் துறை இயக்குநர் டத்தோஸ்ரீ சுல்கிப்ளி உமர் கூறுகையில், சபாவில் உள்ள தாவாவ் சிறைச்சாலை லாஹாட் லாத்துவிலிருந்து ஒரு புதிய கைதியைப் பெற்றபோது கைதிகள் மத்தியில் கொவிட்19 தொற்று தொடங்கியது என்று கூறினார்.
செப்டம்பர் 29- ஆம் தேதி அலோர் ஸ்டார் சிறைச்சாலையில் மற்ற தொற்றுக் குழுக்களும் கண்டறியப்பட்டது. சிறைச்சாலையில் கொவிட்19 எண்ணிக்கை அதிகரிப்பதை சிறைச்சாலைத் துறை தீவிரமாக கருதுகிறது.
“எனவே, சிறை கைதிகள், ஊழியர்களை நிர்வகிப்பது தொடர்பான அனைத்து அம்சங்களிலும் நோயின் பரவலுக்கு சிகிச்சையளிக்கவும், தனிமைப்படுத்தவும், கட்டுப்படுத்தவும் சுகாதார அமைச்சின் நிர்ணயிக்கப்பட்ட நிர்வாக நடைமுறைகளுக்கு இணங்க தேவையான அனைத்து நடவடிக்கைகளையும் சிறைச்சாலைத் துறை எடுத்துள்ளது. , ”என்று அவர் ஓர் அறிக்கையில் கூறினார்.
கைதிகளிடையே கொவிட்19 தொற்றுநோயைக் குறைப்பதற்கும், சிறைகளில் நெரிசல் ஏற்படுவதைத் தவிர்க்க, தற்காலிக சிறைகளாக ஏற்படுத்தப்பட்டிருந்த பல தேசிய சேவை பயிற்சி முகாம்களுக்கு போதைப்பொருள் தொடர்பான கைதிகளை அனுப்பவும் சிறைச்சாலைத் துறை நடவடிக்கை எடுத்துள்ளது.
இதற்கிடையில், கைதிகள் மத்தியில் தொற்று பரவுவது மூடிய, இறுக்கமாக கட்டுப்படுத்தப்பட்ட சிறைச்சாலை பகுதிகளில் மட்டுமே என்று அவர் கூறினார். சிறைச்சாலைக்கு வெளியே உள்ள பொதுமக்கள் அமைதியாக இருக்குமாறு அவர் கேட்டுக் கொண்டார்.
