Home One Line P1 கொவிட்-19: 2,062 சம்பவங்கள் பதிவு, ஒருவர் மரணம்

கொவிட்-19: 2,062 சம்பவங்கள் பதிவு, ஒருவர் மரணம்

285
0
SHARE

கோலாலம்பூர்: இன்று செவ்வாய்க்கிழமை வரையில், 24 மணி நேரத்தில் 2,062 புதிய கொவிட்-19 தொற்று சம்பவங்கள் நாடு முழுவதிலும் பதிவாகியிருக்கின்றன. நேற்றும் 2,000-க்கும் மேற்பட்ட சம்பவங்கள் பதிவாகி இருந்தது குறிப்பிடத்தக்கது.

உள்ளூரில் 2,058 தொற்று சம்பவங்கள் ஏற்பட்டுள்ள நிலையில், 4 சம்பவங்கள் வெளிநாட்டிலிருந்து நாடு திரும்பியவர்கள் மூலம் பெறப்பட்டதாகும்.

இதனைத் தொடர்ந்து மொத்தமாக நாட்டில் இதுவரையில் 97,389 சம்பவங்கள் பதிவாகி உள்ளன.

இன்று 911 பேர் குணமடைந்து மருத்துவமனைகளிலிருந்து வெளியேறி உள்ளனர். இதனைத் தொடர்ந்து, மொத்தமாக மருத்துவமனைகளில் இருந்து சிகிச்சை பெற்று வெளியேறியவர்களின் எண்ணிக்கை 79,304-ஆக உயர்ந்துள்ளது.

இன்னும், 17,646 பேர் தொற்றுக் காரணமாக மருத்துவமனைகளில் சிகிச்சைப் பெற்று வருகின்றனர். அவர்களில் 111 பேர் தீவிர சிகிச்சைப் பிரிவில் அனுமதிக்கப்பட்டுள்ளனர். 51 பேருக்கு சுவாசக் கருவி உதவியோடு சிகிச்சை அளிக்கப்படுகிறது.

இன்று ஒருவர் மரணமுற்ற நிலையில், மரண எண்ணிக்கை 439-ஆக உயர்ந்துள்ளது.

மாநிலம் வாரியாக தொற்றுகளின் எண்ணிக்கையில் சிலாங்கூரில் மட்டும் இன்று 1,014 சம்பவங்கள் பதிவாகி உள்ளன. கோலாலம்பூரில் 504 சம்பவங்கள் பதிவாகி உள்ளன.சபா 252 தொற்றுகளைக் கொண்டிருக்கிறது. ஜோகூரில் 167 தொற்றுகள் பதிவாகி உள்ளன.

Comments