கோலாலம்பூர்: கிளந்தான் அம்னோ மாநிலத்தில் பெர்சாத்துவை எதிர்த்து எதிர்கொள்ளும். ஆனால், 15- வது பொதுத் தேர்தலில் மற்ற எதிர்க்கட்சிகளுடன் போட்டியிட பாஸ் கட்சியை தனியாக விட்டுவிடுவதாகக் கூறியுள்ளது.
“நாங்கள் இன்னும் பாஸ் உடன் தொடர முடியும், ஆனால் அம்னோ- பெர்சாத்து உடனான எந்தவொரு ஒப்பந்தத்தையும் நிராகரிக்கிறோம். அதாவது அம்னோவுக்கு சொந்தமான எந்த இடங்களிலும் பாஸ் போட்டியிடக்கூடாது, ” என்று மாநில கட்சித் தலைவர் அகமட் ஜஸ்லான் யாகூப் சுட்டிக்காட்டியுள்ளார்.
பெர்சாத்து உடன் தொடர்ந்து பணியாற்றினால், கிளந்தான் அம்னோ, பாஸ் உடனான கட்சியின் உறவையும் மதிப்பாய்வு செய்யும் என்று ஜஸ்லான் கூறினார்.
“அவர்கள் இன்னும் பெர்சாத்து உடன் இணைந்து பணியாற்ற விரும்பினால், பாஸ் உடனான எங்கள் உறவை நாங்கள் மீண்டும் சரிப்பார்க்க வேண்டும். அதாவது அவர்கள் எங்களை மறைமுகமாக நிராகரித்தார்கள் எனத் தெரியவந்தால்,” என்று அவர் கூறினார்.
