வாஷிங்டன்: அமெரிக்காவில் புதிதாக பதவியேற்ற அதிபர் ஜோ பைடன், கொவிட்-19 தொற்றை தடுக்க ‘100 நாள் முகக்கவச சவால்’ திட்டத்தை அறிமுகப்படுத்தியுள்ளார்.
இதில், அடுத்த 100 நாட்களுக்கு மக்கள் அனைவரும் முகக்கவசங்கள் அணியவேண்டுமென்பதுதான் சவால்.
மேலும், வெளிநாடுகளில் இருந்து அமெரிக்காவுக்கு திரும்புவோர் அனைவரும் கட்டாயமாக கொவிட்-19 பரிசோதனை செய்துகொள்ள வேண்டும். உலகளவில் கொவிட்-19 பாதிப்பில் அமெரிக்கா முதலிடத்தில் இருக்கிறது. முன்னாள் அதிபர் டொனால்டு டிரம்பின் அலட்சியத்தால் அமெரிக்கா இந்நிலைக்குத் தள்ளதப்பட்டதாக உலக மக்கள் குற்றம் சாட்டினார்.
இதனிடையே, வெளியிலிருந்து அமெரிக்கா வந்தபிறகு அனைவரும் தனிமைப்படுத்திக்கொள்ள வேண்டுமென ஜோ பைடன் தெரிவித்துள்ளார். மேலும், விமானங்களில் முகக்கவசம் கட்டாயமாக அணியவேண்டுமென அறிவுறுத்தப்பட்டுள்ளது.
பைடன் பதவியேற்ற 100 நாட்களில் 5 கோடி பேருக்கு கொவிட்-19 தடுப்பூசி போட இலக்கு நிர்ணயிக்கப்பட்டுள்ளது.
