கோலாலம்பூர்: கொவிட் -19 காரணமாக இறந்த தமது தாய்க்கு சொந்தமான நகைகள் சிரம்பான் துவாங்கு ஜாபர் மருத்துவமனையில் காணாமல் போனதை அடுத்து ஆடவர் ஒருவர் நேற்று காவல் துறையில் புகார் அளித்துள்ளார்.
31 வயதான டி.நரேந்திரன், ஞாயிற்றுக்கிழமை, அவரும் அவரது சகோதரியும் தங்களது தாயாரை அவசர சிகிச்சைப் பிரிவுக்கு அழைத்து வந்தபோது, அவர் நகைகளை அணிந்திருந்ததாகக் கூறினார்.
அவற்றில் ஒரு தங்க சங்கிலி, ஒரு ஜோடி தங்க காதணிகள், மூன்று வளையல்கள் மற்றும் ஒரு மோதிரம் ஆகியவை அடங்கும்.
மருத்துவமனைக்கு கொண்டு சென்ற அன்றே அந்தப் பெண் இறந்தார். இருப்பினும், அடுத்த நாள், தனது தாயின் உடலைக் கோருகையில், மருத்துவமனை ஊழியர்கள் நோயாளியின் மதிப்புமிக்க பொருட்கள் மற்றும் சொத்து படிவத்தை ஒப்படைத்தனர், பட்டியலில் குறிப்பிடப்பட்ட மோதிரம் மட்டுமே இருந்தது.
“என் தாயின் நகைகள் காணாமல் போயுள்ளன. அது அவசர சிகிச்சைப் பிரிவு அறையிலோ அல்லது சவக்கிடங்கிலோ நடந்திருக்கலாம் என்று நான் நம்புகிறேன்,” என்று அவரது அறிக்கையில் கூறியுள்ளார்.
காணாமல் போன நகைகளைக் கண்டுபிடிப்பதற்காக உடல் பையைத் திறக்க உதவ நரேந்திரன் மருத்துவமனையில் அனுமதி கேட்டார். தவறான எச்சங்களை மருத்துவமனை தந்துவிட்டதாக அவர் கூறினார்.
“என் அம்மாவின் உடல் பையைத் திறக்க சுகாதார அமைச்சக அதிகாரியான நஹர் என்பவரிடமிருந்து அனுமதி பெற்ற பிறகு, கொவிட் -19 காரணமாக இறந்த அறியப்படாத இந்திய ஆடவரின் உடலை மருத்துவமனை எனக்குக் கொடுத்திருப்பதைக் கண்டேன். என் அம்மாவின் உடல் மற்றவர்களால் எடுத்துச் செல்லத் தயாராக இருந்தது,” என்று அவர் கூறினார்.
இதையடுத்து, ஊழியர்கள் நிலைமையை சரிசெய்தனர், ஆனால் காணாமல் போன நகைகள் அவரது அம்மாவின் உடல் பையில் காணப்படவில்லை.
“மருத்துவமனை ஊழியர்கள் நகைகளை எடுத்துச் சென்றதாகவும், சேதம் 9,250 ரிங்கிட் என்று நான் கருதுகிறேன்,” என்று அவர் கூறினார்.
சிரம்பான் காவல் துறைத் தலைவர் முகமட் சைட் இப்ராகிமைத் தொடர்பு கொண்டபோது, இந்த அறிக்கையை காவல் துறை விசாரித்து வருவதாகக் கூறினார்.
