Home One Line P2 கொவிட்-19: இந்தியாவில் 7,000-க்கும் அதிகமான புதிய பிறழ்வுகள் உண்டாகியுள்ளன.

கொவிட்-19: இந்தியாவில் 7,000-க்கும் அதிகமான புதிய பிறழ்வுகள் உண்டாகியுள்ளன.

71
0
SHARE
Ad

புது டில்லி: இந்தியாவில் 7,000- க்கும் மேற்பட்ட கொவிட்-19 பிறழ்வுகள் உள்ளன. அவற்றில் சில கடுமையான ஆபத்தை ஏற்படுத்தக்கூடும் என்று மூத்த விஞ்ஞானி ஒருவர் திங்களன்று தெரிவித்தார்.

மூலக்கூறு உயிரியலுக்கான அறிவியல் மற்றும் தொழில்துறை ஆராய்ச்சி மையத்தின் (சி.சி.எம்.பி) இயக்குனர் ராகேஷ் மிஸ்ரா கூறுகையில், இந்தப் புதிய பிறழ்வுகளில், N440K தென் மாநிலங்களில் நிறைய பரவி வருவதாகக் கூறினார்.

சி.சி.எம்.பி ஆராய்ச்சி மையம் மட்டும் இந்தியாவில் 5,000- க்கும் மேற்பட்ட கொவிட்-19 தொற்று வகைகள் மற்றும் தொற்றுநோய்களின் போது அவை எவ்வாறு உருவாகியுள்ளன என்பதைப் பற்றி முழுமையான பகுப்பாய்வு செய்துள்ளன.

#TamilSchoolmychoice

சி.சி.எம்.பியின் விஞ்ஞானிகளின் குழு அவர்களின் கண்டுபிடிப்புகள் குறித்த ஓர் ஆய்வறிக்கையையும் வெளியிட்டுள்ளது.

“நாட்டில் 7,000- க்கும் மேற்பட்ட கொவிட்-19 பிறழ்வுகள் உள்ளன,” என்று மிஸ்ரா கூறினார்.

ஹைதராபாத்தை தளமாகக் கொண்ட இந்நிறுவனம் தொற்றின் பரிணாமம், அதன் பிறழ்வுகள் மற்றும் விகாரங்கள் நாட்டில் தொற்றுநோயைத் தாக்கியதிலிருந்து ஆய்வு செய்து வருகிறது.

Comments