கோலாலம்பூர்: சிலாங்கூர், கோலாலம்பூர், ஜோகூர் மற்றும் பினாங்கு ஆகிய மாநிலங்களில் மார்ச் 5 முதல் நிபந்தனைக்குட்பட்ட நடமாட்டக் கட்டுப்பாட்டு உத்தரவு அமலுக்கு வருவதாக தற்காப்பு அமைச்சர் இஸ்மாயில் சப்ரி யாகோப் தெரிவித்துள்ளார்.
மாநில அரசின் வேண்டுகோளின்படி – சபாவைத் தவிர, அனைத்து மாநிலங்களிலும் மாவட்ட எல்லைகளைக் கடக்க அனுமதிக்கப்படுகிறது.
இருப்பினும், நாடு முழுவதும் மாநிலங்களுக்கு இடையிலான பயணம் தடைசெய்யப்பட்டுள்ளது.
அதே நேரத்தில், கெடா, கிளந்தான், நெகிரி செம்பிலான், சரவாக் மற்றும் பேராக் ஆகிய மாநிலங்களில் நிபந்தனைக்குட்பட்ட நடமாட்டக் கட்டுப்பாட்டு ஆணை அமலில் உள்ளது.
மலாக்கா, பகாங், திரெங்கானு, சபா, புத்ராஜெயா மற்றும் லாபுவானுக்கு, மீட்சிக்கான நடமாட்டக் கட்டுப்பாட்டு உத்தரவு மார்ச் 5 முதல் அமல்படுத்தப்படும்.
