சென்னை: இயக்குனர் வெற்றிமாறன் இயக்கத்தில் நடிகர் தனுஷ் நடித்து வெளியான ‘அசுரன்’ திரைப்படம் ஒசாகா தமிழ் அனைத்துலக திரைப்பட விழாவில் (ஜப்பான்) திரையிட தேர்வாகியிருக்கிறது.
இத்திரைப்பட விழா வருகிற மார்ச் மாதம் 27 மற்றும் 28-ஆம் தேதி நடைபெற உள்ளது. மேலும், சிறந்த தமிழ் படத்திற்கான போட்டியிலும் இப்படம் தேர்வாகி உள்ளது.
2019 ஆண்டு வெளியான இத்திரைப்படம் வசூல் சாதனை படைத்தது. தனுஷ் இப்படத்தில் தனது சிறந்த நடிப்பிற்காக பாராட்டுகளைப் பெற்றார்.
தனுஷ், மஞ்சுவாரியர், கென் கருணாஸ், டீஜே அருணாச்சலம், பசுபதி உள்ளிடோர் சிறப்பாக நடித்திருந்தனர். இத்திரைப்படம் எழுத்தாளர் பூமணியின் ‘வெக்கை’ நாவலைத் தழுவி எடுக்கப்பட்டது.
