கோலாலம்பூர்: அடுத்த பொதுத் தேர்தலில் பாஸ் கட்சியின் ஒத்துழைப்பு குறித்து கேட்கப்பட்ட போது, முடிவை அக்கட்சியே எடுக்கட்டும் என்று அம்னோ துணை தலைவர் முகமட் ஹசான் கூறினார்.
தேசிய கூட்டணியுடன் இருக்கும் பாஸ், தங்களுடன் 15-வது பொதுத் தேர்தலில் ஒன்றாக இருப்பதை கட்சி விரும்புவதாக அவர் கூறினார்.
“அவர்கள் எங்களுடன் இருக்கிறார்களா இல்லையா என்பதை பாஸ் தான் தீர்மானிக்கும்,” என்று அவர் கூறினார்.
பாஸ் கட்சியை எதிர்கொள்ள அம்னோ பயப்படுகிறாதா என்ற கேள்விக்கு இடமில்லை என்றும், அவர்கள் ஒன்றாகச் செயல்படுவதால், குறிப்பாக மலாய் பெரும்பான்மைத் தொகுதிகளில் நன்மைகள் இருக்கிறது என்று அவர் கூறினார்.
