Home நாடு 2009-இல் சுங்கை உலார் பள்ளியின் நிலம் பள்ளிக்கே ஒப்படைக்கப்பட்டதா?

2009-இல் சுங்கை உலார் பள்ளியின் நிலம் பள்ளிக்கே ஒப்படைக்கப்பட்டதா?

93
0
SHARE
Ad

அலோர் ஸ்டார்: கூலிமில் அமைந்துள்ள சுங்கை உலார் தமிழ்ப்பள்ளியின் நிலத்தின் நிலை தொடர்பான சர்ச்சையைத் தொடர்ந்து இந்த விவகாரம் மர்மமாகவே இருந்தது.

இப்போது, ​​பள்ளியின் பெற்றோர் மற்றும் ஆசிரியர் சங்கம், மறைந்த முன்னாள் கெடா மந்திரி பெசார், அசிசான் அப்துல் ரசாக், நிலத்தை பள்ளிக்கு ஒப்படைத்ததற்கான ஆதாரங்கள் இருப்பதாகக் கூறுவதாக மலேசியாகினி தெரிவித்துள்ளது.

சுங்கை உலார் பள்ளியின் பெற்றோர் மற்றும் ஆசிரியர் சங்கத் தலைவர் கே. முனியாண்டி, 47, மலேசியாகினியிடம், முன்னாள் பாஸ் மந்திரி பெசார் 2009 இல் 0.5 ஏக்கர் நிலத்தை பள்ளி பயன்பாட்டிற்காக ஒப்படைத்ததைக் காட்டும் பல ஆவணங்கள் தன்னிடம் இருப்பதாக கூறினார்.

#TamilSchoolmychoice

“மந்திரி பெசார் அசிசான் நிலத்தை பள்ளிக்கு ஒப்படைத்ததை நிரூபிக்கும் ஆவணங்கள் என்னிடம் உள்ளன. நிலத்தின் உரிமையாளராக பி.கே.என்.கே (பெர்பாடானான் கெமாஜுவான் நெகிரி கெடா), கட்டிடங்களை நிர்மாணிப்பதற்காக 0.5 ஏக்கர் நிலத்தை பள்ளிக்கு ஒதுக்கியுள்ளது. பி.கே.என்.கே நிலத்தை வழங்கியபோது எந்த நிபந்தனையும் வைக்கப்படவில்லை. எனவே, நிலத்தை பள்ளிக்கு மட்டுமே குத்தகைக்கு விட வேண்டும் என்று கெடா அரசாங்கம் இப்போது ஏன் வலியுறுத்துகிறது என்று எனக்கு ஆச்சரியமாக இருக்கிறது,” என்று அவர் கூறினார்.

அவர் ஆவணங்களையும் மலேசியாகினியுடன் பகிர்ந்து கொண்டார்.

2009-ஆம் ஆண்டு செப்டம்பர் 29 தேதியிட்ட கடிதத்தில், பி.கே.என்.கே பள்ளி வயல் பகுதியில் 0.5 ஏக்கர் நிலத்தை ஒதுக்கியதாக குறிப்பிடப்பட்டுள்ளதாக மலேசியாகினி கூறியது.

கூடுதல் மூன்று மாடி கட்டிடத்தை அமைக்க செப்டம்பர் 9 தேதியிட்ட பள்ளியின் விண்ணப்பக் கடிதத்தைத் தொடர்ந்து பி.கே.என்.கே நிலத்தை ஒதுக்கியது புரிந்து கொள்ளப்படுகிறது.

சமீபத்தில் பள்ளி நிர்வாகம் பி.கே.என்.கே உடன் ஓர் ஒப்பந்தத்தில் கையெழுத்திட்டது.

இந்த ஒப்பந்தம் தற்போதுள்ள நிலத்தை ஆக்கிரமிக்க பள்ளிக்கு அனுமதி அளிக்கிறது, மேலும் மூன்று ஆண்டுகளுக்கு ஒரு முறை அனுமதி புதுப்பிக்கப்பட வேண்டும்.

Comments