கோலாலம்பூர்: மலேசியாவில் கொவிட்-19 தொற்று விகிதம், தொடர்ந்து இரண்டு நாட்களுக்கு சரிவை பதிவு செய்தது.
இந்த எண்ணிக்கை புதன்கிழமை 1.15- ஆக குறைந்துள்ளது. செவ்வாய்க்கிழமை 1.16-ஆக இருந்தது.
கிளந்தான், கோலாலம்பூர், மலாக்கா, பகாங், சபா மற்றும் சரவாக் ஆகியவை 1.0-க்கும் மேற்பட்ட தொற்று விகிதங்களை பதிவு செய்துள்ளன. இதில் ஜோகூர், சிலாங்கூர், நெகிரி செம்பிலான், கெடா மற்றும் புத்ராஜெயா ஆகியவையும் அடங்கும்.
இதற்கிடையில், பினாங்கு, பேராக் மற்றும் லாபுவான் ஆகியவை 1.0 க்கும் குறைவான தொற்று விகிதங்களை பதிவு செய்தன.
கடந்த ஜனவரி மாதம் நடமாட்டக் கட்டுப்பாட்டு ஆணை அமல்படுத்தப்பட்டதில் இருந்து இதுவரை பதிவான மிகக் குறைவான தொற்று விகிதம் மார்ச் 3 அன்று, அதாவது 0.81- ஆக இருந்தது.
