புத்ரா ஜெயா : அதிகரித்து வரும் கொவிட்-19 தொற்றுகளைத் தொடர்ந்து எதிர்வரும் மே 12 முதல் நாடு தழுவிய முழு நடமாட்டக் கட்டுப்பாடு ஆணை அமுலுக்கு வருகிறது.
பிரதமர் மொகிதின் யாசின் இதனை அறிவித்தார். இந்த நடமாட்டக் கட்டுப்பாட்டு ஆணை எதிர்வரும் ஜூன் 7 வரை அமுலில் இருக்கும்.
நாடு தழுவிய நடமாட்டக் கட்டுப்பாட்டு ஆணை அமுலப்படுத்தப்படாது என பிரதமர் ஏற்கனவே அறிவித்திருந்தார். எனினும் அதற்கு மாறாக இப்போது முழு நடமாட்டக் கட்டுப்பாட்டு ஆணையை மொகிதின் அறிவித்திருக்கிறார்.
இன்று நடைபெற்ற தேசிய பாதுகாப்பு மன்றக் கூட்டத்திற்கு மொகிதின் யாசின் தலைமை தாங்கினார். அந்தக் கூட்டத்திலேயே இந்த முடிவு எடுக்கப்பட்டது.
